MartxUp

Zure ideia aurkeztu

Donostian garatu nahiko zenukeen proiektu ideiarik baduzu, elkartu bizpahiru lagunekin eta aurkeztu MartxUP!en

Formazioa jaso eta ideia garatu

MTA-Mondragon Team Academy-ren eskutik zure ideiara moldatutako formazioa jaso, ideiatik errealitatera pasatzeko!

Eraldatu Donostia zure proiektuarekin!

Aurkeztutako proiektua gauzatzea nahi dugu; jarri ezazue martxan!

MartxUP!

18 eta 30 urte bitarteko Donostiako gazteen ideia, erronka eta proiektuak bultzatu eta martxan jartzeko ekimena da MartxUp!-en bigarren edizio hau. Horretarako, zuekin, gazteekin, zuen proiektuak martxan jartzen laguntzeko prestakuntza eta dinamizazioa landuko ditugu. MTA-Mondragon Team Academy-ko kideak arduratuko dira proiektu bakoitzarentzat beharrezko formazioa eta laguntza eskaintzeaz. Gazte ideiak martxan jarriko ditugu!

Zergatik MartxUp?

Donostia Gazteriatik etorkizun eraberritu eta eraldatzaileagoa lortu nahi dugu, gazteekin batera, gazteekin elkarlanean. Horretarako, auzo guztietako ideiak, erronkak eta ametsak entzun nahi ditugu eta horiek martxan jarrita, sormenerako, autoenplegurako eta herrigintzarako erronkatan lagundu eta baliabideak eskainiko ditugu. Uztailetik abendura izango da prozesua, baina aurrera ateratzen diren proiektuekin elkarlanean jarraituko dugu.